Ein lütt Faschingsprogramm

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Dat gifft sei doch, de föffte Johrestiet in´n Nurden. In de Kurt-Dunkelmann-Stuw´ hett sick ´ne lütte oewer fiene Gesellschaft drapen, üm Fasching tau fieern. Mit´n lustig Haut un gaude Lun sünd wi in den fidelen Nahmeddag start´t.

De Klönsnacker, Jürgen, Christine un Karin harr´n lütte Läuschen un Riemels up Lager un uns Muskant Klaus stimmte mit Leeder tau´n Schunkeln un Mitsingen in.

Na gauden Kaffe un Kauken wier kein Enn´ tau finnen. Ok wenn man den Fasching in´n Nurden nich mit den´n von Mainz orrer Köln verglieken kann, so harr´n wi liekers ein poor lustige Stunn. Dat maken wi in´t nächst Johr wedder.

Välen Dank an all de Helpers un de Kaukenbackers.

Sigrid Malewschick

Bilder: Holger Ahrens und Eckhard Maibauer

Programmgestaltung: De Klönsnacker

Zurück