De "Grupp Nuurdwind" in´n Café Käthe

Café Käthe, Barnstorfer Weg 10 18057 Rostock

An´n Sünndag, 25. März 2018, Klock vier wier uns´ Folkloregrupp "Nuurdwind" werrer mal eins tau Gast bi Café Käthe.Twors wieren nich all Plätz besett, aewer liekers kamen de trugen Plattdütschfrünn up ehre Kosten. Dat geef schöne Leeder oewer Heimat, Läben in Mäkelborg, Frühjohrstiet un Seefohrt tau hür´n. Twei Leeder von uns leiwe Ille Frentz harr´n wi ok mitbröcht: "Wi Nurddütschen" un " Ort bi Ort".

Hans-Jürgen Schulze hett werrer mit siene Gitarr un sien Snutenhobel orrig Stimmung makt. De Tiet güng fix vörbi. In´n Vierteljohr sünd wi wedder in´n Café Käthe .

"Holt juch fuchtig bet dorhen!" seggt Plattdütschfründin

Gudrun Zülow in´n Updrag von "Nuurdwind".

Fotos: Karin Haupt

 

 

Zurück