Baukläsung mit Gisela Schwarz, Gisela Reinck un Jürgen Grebbin

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Interessantet, Grugeliget, Kriminellet un wat tau´n Hoegen

So künnt man dat Thema tau de Läsung an´n 23.Mai ümschriewen. An´n drütten Mandag in´n Mai hemm´ sick wedder Frünn´ von de plattdütsche Sprak infunn´n.
Ditmal wieren Gisela Reinck, Gisela Schwarz un Jürgen Grebbin as Schriewerslüd kamen üm uns uns ehre Geschichten vörtaudragen.

Jürgen Grebbin hett anfungen tau vertell´n, wie hei vör väle Johre tau de Verschönerung von uns Heimatstadt Rostock bidragen hett. Ok hett hei in de letzten 70 Johre drei totale Sünnenfinsternisse biläwt un versöcht ruttaukriegen, weckerein sick in Dütschland doran erinnern kann.

Gisela Reinck hett oewer kriminelle Saken bericht´t, dei sei up ehre Stratenbahnfohrten upschnappte. Dorbi güng dat üm angäwlich güldene Ringe, de up de Strat funn´n warden un den Besitter för Geld wesseln sallten. Ok güng dat üm de berühmten Enkeltricks.

Tau´n Enn´vertellte uns Gisela Schwarz, wie sei vör 45 Johr dei leiwsten Poppen von ehre Dochter verschenkt harr un wie disse na väle Johr wedder vuller Freud in den Besitt von ehre Dochter keemen.

Zurück