Baukläsung mit Gertrud Weigel

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

De Kurt-Dunkelmann-Stuw wier vull. Väle Lüd sünd kamen, üm Gertrud Weigel tau biläwen. Gertrud Weigel möt man würklich biläwen un nich blot tauhüren, taukieken, nee, man möt de ganze Fru mit alle ehre Mimik, Gestik un Utstrahlung upnähmen. Allet wat sei vördrägt läst sei nich af. Sei hett all´ns in´n Kopp binnen. Dat makt ja ehre Vördragswies so interessant un so vuller Läben. Ehre Riemels un korte Geschichten sünd meistendeils eigene Biläwnisse, de sei mit väl Humor ümsett.

Ehr Programm güng oewer de Ostseewellen in Warnemünn´ up ehr Ort, oewer Äten un Drinken, oewer de Oma, Stammgast bi ´n Afteiker, de Kopmann in´n Stadthaben, de Förster as Äsel, de Jäger un dat Wildswien un väles mihr. Tau´n Hoegen wier ok dat Riemel von de Brillenmakers: De ein makt Brillen för Nah un Fiern un de anner för Damen un Herrn. Uns Muskant, Klaus Decker, hett Mäuh hat oewerhaupt ´ne Paus tau finn´n, üm ein bäten Musik twischendörch mit siene Treckfiedel tau maken. Hett hei dat aewer mal schafft, denn wier hei nich tau holl´n un bröchte Stimmung in de Stuw.

All Tauhürers hett disse Veranstaltung gaut gefoll´n un dat geef väl Bifall. Välen hartlichen Dank leiwe Gertrud.

Zurück