Baukläsung mit Ellen Lange

"Kurt-Dunkelmann-Stuw" (Neptuntreff der BG Neptun), Helsinkier Str. 38 18107 Rostock

Ditmal hemm´ wi de Plattdütschautorin Ellen Lange inladt´t

Dat wier wunnerschönet Wärer un liekers wieren sei dor, de trugen Besäukers von de Läsungen in de Kurt Dunkelmann Stuw´.

 

Ellen Lange hett sei dorbi hatt: - 30 cm plattdütsche Literatur un fragte, ob wi woll all dat Abendäten bestellt harr´n?

Sei hett uns ´ne grote Antahl von  Geschichten tau´n Hoegen tau Gehür bröcht un wi keemen ut dat Lachen nich mihr rut.

Sei bericht´t uns oewer dat korte Läben von de Burrkäwers un jedein hett nu ok wüßt, wann hei den letzten tau seih´n krägen harr.

Oewer ok Begäbenheiten in Saken Leiw´ harr sei up Lager. So ward denn tau´n Bispill upklärt, wurüm manche Ehen ein Läben lang holl´n,

wur lang man Alimente tahlen möt un dat Lars in de tweite Klass schrifft: "Christine, ick leiw di!".

Sei verklorte uns, wat Brunch is un dat swatter Kaviar na fischig Brummelbeeren smeckt.

Dörch ´ne Hymn´ an de plattdütsche Sprak sünd wi tauversichtlich, dat dat disse Sprak ok noch in 1000 Johre gäben ward. De Nahmeddag vergüng väl tau fix un wi wull´n uns all hier wedder drapen.

Välen Dank an miene flietigen Helpers!         Sigrid Malewschik

Fotos: Holger Ahrens und Eckhard Maibauer

Ellen Lange läst ut ehre Bäuker

Plattdütsche Geschichten un Riemels.

 

Zurück