Plattdütsch läwt

De Zirkel warden fördert dörch de OstseeSparkasse Rostock un dörch den Heimatverband Mecklenburg-Vorpommern e.V.

Uns Verein makt Ünnerricht in:

Uplistung von de KITAs un Schaulen

Jörg Bitter

KITA:   Seestern - Toitewinkel, Pablo-Picasso-Str.  Fr. Heitmann - 6865049                                

KITA:   Am Gehlsdorfer Ufer, Gehlsdorf, Backbordstr. 3 -66618760

KITA:   Klaukschieter  - Dierkow, Heinrich-Heine-Platz 9a -681296

KITA:   DRK-KITA - Toitenwinkel, Zum Lebensbaum 16 -697345

GS:     Ostseekinder -- Dierkow,  W.-Butzke-Str.  -  Fr. Hübel -68644982

Reg.-Schule:  Otto-Lilienthal,  Bertha-v.-Suttner-Str. - Herr Plattner -38141330

Holger Ahrens

KITA: Klabauterkinder - Elmenhorst, Schulweg 8, 7697612

Christine Stübe

GS An den Weiden - Toitenwinkel, Pablo-Picasso-Str. , 38141310

Christine Stübe un ehre Plattdütschkinner
Ick heff in´n verläden Johr mit miene Kinnergrupp väl Plattdütsch liehrt un ok einiget mit de Kinner ünnernahmen. Wi hemm´ de Lüüd wiest, wat de Kinner nu all können. Dat wier up ein poor Veranstaltungen in Dierkow, in´n Botanischen Gorden un ok bi den 20. Plattdütschdag in dat Gebäud von de Ostsee-Zeitung.

Christine Stübe

Jörg Bitter un siene Plattdütschkinner

Plattdütsch lihren makt väl Spaß!

Ünner dit Motto bün ick tau Tied in 4 KITA's un 2 Schaulen wöchentlich ünnerwegs, üm de lütten Görn uns Platt tau lihren. Intwischen hew´ ick dat all so makt, ehr praktisch de Farw un Tahlen an lütten Spaziergängen tau verkloren . De iersten Leeder hemm´ sei bi´n Besäuk in de Gehlsdörper Kark tau hüren krägen. De Vers öwer uns "Rostocker Söben" hew ick bi´n Stadtrundgang un Besäuk vun de Marienkark verklort . De lütten Kinnerogen sünd so grot worr´n, dat kann man nich mit Würd beschriewen, so schön wier'n disse Biller. Bi den´n Bisäuk in de Gehlsdörper Kark hew ick Hülp vun Gudrun Zülow hat, wovör ick mi recht hartlich bedanken mücht. Dat ward ick mit de nächst Grupp ok eins wedderhal'n .

Jörg Bitter

Holger Ahrens un siene Plattdütsch-Kinner

Platt-Ünnerricht bi de „Klabauterkinnings“ Kita-Elmenhorst

Holger Ahrens is mit Plattdütsch grot worden un will dorbi helpen, de plattdütsche Sprak tau erholl´n. Hei singt mit de Kinner nedderdütsche Leeder un liehrt de Kinner plattdütsche Würd un Tahlen. All sünd mit Begeisterung dorbi.

Foto: Holger Ahrens
Foto von Holger: Eva Dittberner

Wi maken ok Plattdütsch-Unnerricht för Erwachsene

Uns Klönsnack - Runn´ in´n SBZ-DRK in Toitenwinkel gifft dat nu schon siet fast söss Johr . Einmal in´n Maand sünd wi mit 10-13 Lüd tausamen, de all sihr gaut Platt klönen könn´ . Dat gifft ümmer väl Spaß. Ick versäuk dat ümmer mit aktuelle un olle Verse tau verbin´n. Ok de Leeder kam´n dorbi nich tau kort. Jedein kann sülben wat tau Gehür bring´n un dorbi liehr ok ick noch wat dortau. Un wenn dat Twiefel mit de Wüür gifft , kieken wi eins in´n Wörderbauk na. All de Texte kriegen se von mi mit un kamen eins bi ´n "Toitenwinkler Klönsnack" bi Jens tau´n Uptritt . Dat kümmt gaut an un sei freu'n sick up dat nächste Mal.

Vereinsmaat Jörg Bitter.

Zurück