WIR LIEBEN COOKIES
Vereinsabend in der Trotzenburg
Forsthausbrauerei Trotzenburg, Tiergartenallee 6 18059 Rostock
An´n Dunnersdag, den 21. Harwstmaand hemm´ wi uns na langer Tiet mit unse Maatinnen un Maaten wedder eis drapen. Corona hett uns je lang naug argert un nich tausamenkamen laten. De einzig schönen Veranstaltungen wieren buten in´n Botanschen Gorden, uns Grillnahmeddag un de Baukläsung. Dat wier orrig kommodig in de Gaststuw´ von de Trotzenburg. Väle von unse Vereinsmaaten hemm´ sick up ´nen lütten Vördrag vörbereit´t un tau´n Besten gäben. Hans-Jürgen Schulze makte den Anfang mit siene Gitarr un siene schönen Leeder un uns Vörsitter ,Jürgen Wittmüß, hett sick inklinkt mit ´n poor fidele Riemels un Geschichten. Ok Christa Winkelmann un Wilhelm Münchow wieren mit von de Partie un bröchten de Vereinsmaaten tau´n Hoegen. Eckhardt Maibauer, Franziska Blume un Dorit Schröder führten ´nen korten Sketsch up. Ümmer wedder twüschendörch makte Hans-Jürgen Musik. So güng de Vereinsnahmeddag as in´n Flug vörbie. Wi freuen uns up de nächsten Vereinsveranstaltungen un up uns Wedderseihn.
Text: Eva Dittberner
Fotos: Hermann Peters
Kamt tauhop un snackt platt.
