|
Utsaag gägen Utsaag!?
|
|
|
Nich wohr is:
Wenn Utsaag gägen Utsaag steiht,
ward de Angeklagte friesproken.
|
Wohr is :
De Angeklagte ward ok bi Utsaag gägen Utsaag verdunnert, wenn de Richter em un den Tügen nich glöwt. – Bloß wenn de Richter würklich Twiefel an de Tat hett, ward hei den Angeklagten friespräken nah dat Späkwuurt "in dubio pro reo", wat so väl heit wie: "in Twiefel för den Angeklagten".
|
|
Personalutwies
|
|
|
Nich wohr is:
So is't tau'n Bispill gor nich nörig, dat man
ümmer den Personalutwies bi sick drägen möt; de is männigmal tau Hus bäter uphägt. Hebben möt man em oewer!
|
Wohr is:
Anners süht dat ut, wenn ein mit'n Auto ünnerwägens is. Den Führerschien möt man denn up jeden Fall bi sick hebben.
|
|
Straatenverkiehr / de Lichthup
|
|
|
Nich wohr is:
man dörf nich de Lichthup anwenn', üm den Vöddermann tau'n Wesseln up de rechte Fohrsiet tau bewägen.
|
Wohr is:
uterhalw von Uurtschaften is dat sogor een Hauptupgaw von de Lichthup, üm dat Oewerhalen antauwiesen. Wecker nich dorup acht' un nich up de rechte Fohrsiet wesselt, de hett Schuld un behinnert den Straatenverkiehr.
|
|
Reklamationen nur wenn ick den Kassenzettel noch heff ?
|
|
Nich wohr is:
wenn mi mangelhafte Wor' andreiht würd' un ick will de reklameern, heff oewer den Kassenbon nich miehr, un de Verköper will de Reklamation nich annähmen, wiedat hei den Kassenbon seihn will.
|
Wohr is:
de Kassenzettel is nich nörig, wenn ick anner Bewiese för den Koop bi den bestimmten Verköper heff. Ok een Tüüch (Zeuge) reikt dortau ut.
|
