Jörg Bitter un siene Plattdütschkinner

Plattdütsch lihren makt doch Spaß!

Ünner dit Motto bün ick tau Tied in 3 KITA’s wöchentlich ünnerwegs, üm de fiefjöhrigen Görn uns Platt bi tau bringen. Intwischen hew ick dat all so makt, ehr praktisch de Farw un Tahlen an lütten Spaziergängen tau verkloren . De iersten Leeder hemm sei bi´n Besäuk in de Gehlsdörper Kark tau hüren krägen. De Vers öwer uns "Rostocker Söben" hew ick bi´n Stadtrundgang un Besäuk vun de Marienkark verklort . De lütten Kinnerogen sünd so grot worden, dat kann man nich mit Würd beschriewen, so schön wier’n disse Biller. Bi den´n Bisäuk in de Gehlsdörper Kark hew ick Hülp vun Gudrun Zülow hat, wovör ick mi recht hartlich bedanken mücht. Dat ward ick mit de nächst Grupp ok eins wedderhal’n . Ok löppt dat siet vörrig Johr in ´ner föfften Klass an de O.L.Schaul wöchentlich ganz gaut . De Schäuler sünd mit väl Freud dorbi, de iersten Plattdütsch-Würd´ tau lihren . Dor bruk ick dat ja blot an de Tafel tau schriewen, orrer de Verse zitieren tau laten . Denn de könn jaläsen un schriewen - de "Lütten" möt ick ja all´ns verkloren . Ick mak dat mit väl Spaß un Freud, so dat mi ok mal so’n lütt "Schietwurt" rut kümmt, woröwer se sick eins högen . Denn, wenn wi den Humor in uns Platt nich beholl’n , kamen wi mit uns Lütten ok nich to Pott. Nahdräglich wünsch ick Juch noch een sihr gesunnes nieges Johr un holt Juch man fuchtig, seggt Juch Vereinsmaat

Zurück