Frohe Wihnachten un ein gesundet nieget Johr 2018

Leiw´ Vereinsmaaten, Vereinsmatinnen, Sponsoren, Förderer un Frünn´ von de plattdütsche Sprak!
Wi müchten uns hartlich för de grote Unnerstützung von unsen Plattdütsch-Verein bedanken.
Wi freuen uns up ´ne wiedere gaude Tausamenarbeit bi de Pläg un Erhollung von uns schöne plattdütsche Sprak un wünschen ein gesundet un erfolgrieket nieget Johr 2017.

Ein Rat för 't niege Johr

von Helmut Hillmann

Ein nieges Johr steiht vör de Dör-
Un du un ik, stahn ok dorvör.
Wi fragen uns: wur ward dat woll?
Ward 't villicht bäder as dat oll?-

Dat kümmt as 't kümmt, gah ran vull Maut,
Hew blot kein Bang'n, denn ward dat gaut.
Wenn wi mit Kraasch dor rinner gahn,
Lött männig Sak sich oewerstahn ...

Un Freud' un Sorg' hett 't ümmer gäben,
Sei hür'n nu mal tau 'n Minschenläben.
Griep tau, bewohr di 'n freudig Hart,
Wieldat denn väles lichter ward.

Un steihst du hier vör disse Dör,
Denn stah nich still un stief dor vör.

Drück up de Klink, makt s' up recht wiet,
Un vör di liggt 'ne gaude Tiet!

Zurück