140. Geburtsdag von unse Heimatdichterin

Dit Johr fieern wi den 140. Geburtsdag von unse Heimatdichterin Martha Müller-Grählert.

Dazu das Gedicht von Wilhelm Münchow
Leiw´ Martha Müller-Grählert, 22.09.2016

De Sünn´ hett sik nu slapen leggt, mi will´t noch nich gelingen-
de Dag hüt wier so rundrüm recht, ik künn vör Freu' noch singen ...

Uns 'Plattdütsch- Verein mök hüt 'ne Fohrt, Dien Heimatdörp tau seihn-
de Reis' nich lang- doch ok nich kort, güng los bi Sünnenschien ...

Nah 'n Darß süll´t gah 'n, nah Dien Tauhus, wullten dat wat is, mal seihn-
dat wier 'ne Freu' - dat wier kein Muß, wi all tausam´n, nich ein allein!

Fünn'n nah Dien Hus, dat steiht noch dor, as wierst Du grad inköpen-
de Timmer lütt, all' s fien un klor, villicht wierst Du ok ströpen ...

Wierst woll nah 'n Strann´ eins runnegah´n, harst Di de See ankäken-
harst Di dor fragt, wer hett dat dan- de Strük un Böm afbräken ...

De Storm von gistern hett dat dan, he keem mit Krasch ut Nurden-
hett dorbi Sand un Land mitnahm´, so seech da ut hüt Morgen ...

Ik würd' so in Dien Stuw´ grad stah 'n, dor leeg Stift un Popier-
dor künn ik gor nich wieder gah 'n, fröch mi, wat sall dat hier? ..

Dunn wier mi so, Du keemst grad rin, un sett´st Di gliek an´n Disch-
Du schreefst ganz fix poor Läuschen up, von Wellen, Sünn´ un Gischt..

Schreefst nah ok oewer Daag un Sünn´, von Dünen, Storm un Sand-
leggst so Dien Hart in all dat rin, wat Du beläwst an 'n Strand ...

Nu is mi woll, lang is 't all Nacht, nu kann ik slapen gah' n- - -
mien Würt' läs' nu, ganz lies un sacht, Du warst ehr woll verstah'n ...

Wilhelm Münchow


Bilder aus dem Heimatmuseum Zingst, abfotografiert von Hartmut Christoph.

 

Zurück